ПСЖ - Бавария матчына шолу

Командалық ойында ПСЖ-дан Бавария мығым. Шабуылы ең мықты Реалдың өзі күйрете алмады. Қызыл қағазды сылтауратудың керегі жоқ. Қорғанысы әлсіз болса, Мбаппен, Вини-лер бірінші матчта да не екінші матчта да 85 минутта істейтінін істер еді. Ал он адаммен қалғанда Баварияға гол соғу үшін небәрі 2,5 минут қана жеткілікті болды.
ПСЖ-мен де солай. Іріктеудегі ойында өз алаңында ұтып кетті. Бавария қарымта шабуылын да, позициялық шабуылын да өте керемет ұйымдастырып, ойын тұрғысында әлдеқайда басым тұрды. Ал екінші таймда толығымен он адаммен ойнады. ПСЖ теңестіре де алмады.
Иә, ПСЖ шабуылшылары жылдам. Сол үшін шабуылдың бәрі дерлік соларда, Реал сияқты. Белгілі классикалық стиль. Ал Бавария оған қарсы қалай ойнауды ұғып алған. Іріктеу кезеңіндегі ойында Упомекано Дембеледен допты тартып алып, алға пас берді. Сол голға ұласты. Екінші голда да қорғаушысын ай қаратты. Өйткені, шабуылшылар алда шабуылмен әуес. Қорғаныстан алға шығу үшін көп төмен түспейді. Арадағы байланыс көбіне вертикал паспен жалғасады. Бірақ ол қарсыластың жоғары қысымына әлсіз әдіс.
Ал Баварияда жағдай мүлде басқа. Кейн шабуылшы да, плеймейкер де. Ойын жүйесін Компанимен бірге солай келісіп алды. Қорғанысқа жиі түседі. Қорғаушылар да шабуылға жиі араласады. Мысалы, Упо, Станишич. Аталантамен ойын солай өтті. Гнабримен жиі орын алмасып кетеді. Бұл қарсылас үшін қиын, өйткені, кімді тұсап ұстау керектігінен шатасады.
ЕКІНШІДЕН, чемпионаттарындағы жағдайына қарайық. ПСЖ 5 рет ұтылған, Бавария бір-ақ рет. Онда да бавариялық дербиде. Сондықтан, ПСЖ-ның жылдам шабуылшыларына қарап, мықтылау деп ойлау санадағы елес болуы бек мүмкін.
Демек, ПСЖ-ның басты құралы – жылдамдық. Ауыр қорғаушыларды басып оза алуына байланысты. Өйткені, қазіргі негізгі құрамдағы 4 қорғаушының төртеуінде де әлсіз тұсы – жылдамдық. Егер Дейвис шықса, онда тіпті қиын.
Сондықтан меніңшек, бұл ойында Бавария басым болып, Реалмен болған ойын сияқты 1:2 есебімен ұтып кетуі мүмкін деп санаймын.

Сонымен бүгін "ПСЖ" - "Бавария" суперматчы. Финалға бергісіз матч болатынын сөзсіз.

Топырлаған гол көреміз бе, әлде теледидарды сөндіріп, ұйықтай салатындай болар ма екен?

Қатты бір статистика, сараптама жасап емес, өз ойыммен бөліссем: "бүгін француздар көп гол салады" деген дауыстар шығады)

"ПСЖ" ойыны өте бірқалыпты, қажет болса шабуылдай да алады, қажет болса есепті де ұстауға ұялмайды.

Ал "Бавария" болса қарқынмен ойнайтын команда. Шабуылды дайындап, алаң ортасында 47 пас бермейді. Олисе көкем зып-зып етіп, шиіріп тұрып пас бере салады. Ал Кейіннің мүлт кеткенін шын есімде жоқ.

Бірақ, немістердің соңғы кездесулерінде өте көп гол жіберіп жүргенін көріп жүрсіңіздер. "Реалдың" өзі 2 ойында 4 гол салды ма? Кірмей қалғандары қаншама?

"Майнц", "Штутгарт" сияқты командалар 5 гол салып тастағанда, "ПСЖ" неге 2 гол салмайды?

Менің ойымша Луис Энрике нәтижеге ойнайды. Ең маңыздысы гол жібермеу, ал гол салатын мүмкіндіктер туады.

Ал "ПСЖ" орташа есеппен xG-дан голы көбірек. Бұл дегенің Энрике баптайтын "мушкетерлер" жарты мүмкіндіктен гол құрастыра алады деген сөз.