Қазақстандық сарапшы «Барселонаның» «Атлетикоға» қарсы қарымта матчта табысқа жететініне сенеді
40
Қазақстан құрамасының бұрынғы ойыншысы Евгений Аверченко sports.kz сайтына берген сұхбатында Атлетико Мадрид клубы мен Барселона арасындағы Чемпиондар лигасының 1/4 финалындағы қарымта матчқа қатысты өз пікірін білдірді.
— Каталондықтар алғашқы ойында «Атлетикодан» 0:2 есебімен жеңілсе де, бұл — «Барселона». Үлкен дәстүрі бар, амбициясы жоғары клуб және олардың келесі кезеңге өтуге толық мүмкіндігі бар. «Барсаны» есептен шығаруға болмайды! Көк-қызылдар кез келген матчтың тағдырын өзгерте алады, — деді маман.
Айта кетейік, матч 14 сәуірден 15 сәуірге қараған түні Мадридте өтеді және Қазақстан уақытымен 00:00-де басталады. Алғашқы кездесу «Атлетиконың» 2:0 есебімен жеңісімен аяқталған.